Yeniliyi sevən marketinq

Yeniliyi sevən marketinqƏziz oxucu, biz bu yazıda qətiyyən böhran sözünün çin dilində mənası barədə və ya böhranın yaratdığı imkanlar barədə danışmaq deyil, məhz bizə verdiyi birbaşa faydaları barədə söhbət etmək istəyirik. Əmin olun, bunlar var və bu faydalardan hamımız asanlıqla istifadə edə bilərik. Əgər sizdə sual yaranırsa ki, "Böhran nədir, fayda nədir?", onda xahiş edirəm yazımızı axıra qədər oxuyun.
İnsan muasir dövrdə daim öyrənməlidir. Bunun əsas səbəbi XXI əsrdə xarici mühitin dəyişmə sürətidir. Bizim ətrafımızda hər şey dəyişir, yenilənir, daha mütərəqqi olur. Əgər biz yenilənməsək, tezliklə köhnəlmiş ola bilərik. Amma buna baxmayaraq, insan həyatında "baza" biliklər var ki, bu biliklər bizi daha güclü edir, daha sistemli işlədir. Böhran bizim baza biliklərimizi daha da möhkəmlədir.
Böhranın bizə öyrətdiyi insani (şəxsi) keyfiyyətləri:
İnsanlara qarşı daha gülərüz olmaq. Böhran zamanında iş yerinin dəyəri daha da artır. Onsuz da bazarda kiçilmə var, onsuz da hər şey çox xırdadır və iş yerində kiməsə "sifət" etmək yolverilməzdir. Hamıya qarşı daha gülərüz olmaq, daha mədəni, daha nəzakətli davranmaq nəinki etiket qaydası, indi olan dövrün olmazsa-olmazına çevrilir;
Köhnə dostları yada salmaq. İnsan pis vəziyyətdə olduğu zaman ağlına köhnə dostlar daha tez gəlir. Böhran bizim köhnə dostlarımıza qarşı daha duyğusal və vəfalı olmağımızının vacib olduğunu göstərir. Biz onlara zəng etməyin, mütəmadi olaraq görüşməyin nə qədər vacib olduğunu başa düşməyə başlayırıq;
Ailəyə daha çox önəm vermək. Böhran zamanında ailənin, evdəkilərin, qohumların əhəmiyyəti daha çox hiss edilməyə başlayır. İnsan sıxıldığı zaman doğmalarının əhəmiyyətini daha çox başa düşür. Bu zamanlarda evdəkilərlə daha çox vaxt keçirmək vacibdir.
Daha məsuliyyətli olmaq. Böhran bizə başa salır ki, biz məsuliyyətli olmasaq, əldə etdiklərimizi tezliklə itirə bilərik. Bunu hamı görür, bunu hamı başa düşür. Məzh buna görə böhran dövründə biz məsuliyyət kimi xüsusiyyətin necə vacib olduğunu başa düşürük.
Böhranın bizə öyrətdiyi maliyyə keyfiyyətləri:
İfrata getməmək. İfrat istər insani, istərsə də dini cəhətdən günah olduğu kimi, çox səhv bir xasiyyətdir. Bu xasiyyətin ən yaxşı tərkidilməsi vaxtı, əlbəttə, böhrandır. Məhz böhranlar zamanı ağıllı insanlar pis xasiyyətlərindən imtina edirlər. Böhran zamanında lazımsız xərcləri yox etmək çox rahat olur, çünki buna sadəcə imkan olmur;
Kreditlərsiz yaşamaq. Böhran dövründə kredit almaq son dərəcə çətin olur. Bu "çətinlik" əslində bizə xidmət edir. Yadıma düşür… Mingəçevir mağazasını açdığımız zaman təcili kreditə ehtiyac var idi. Biz kredit almadıq, çünki banklar demək olar ki, vermirdilər, əvəzində eyni işləri kreditsiz görməyi öyrəndik. Düşünürəm ki, bu, böhranın verdiyi yaxşı faydadır;
Effektiv xərcləməyi öyrədir. Böhran bizə eyni xidmət və ya məhsulun əldə edilməsi üçün ən az xərcləməyi öyrədir. İnanın, bunu öyrənməyin yeganə yolu pulsuz qalmaqdır. Mən inanmıram ki, cibində böyük pul, altında bahalı maşın olan adam metro və ya avtobusla getməyi bacarsın. Amma böhran bunu bizə öyrədir. Biz daha güclü, daha səmərəli işləyirik;
Büdcələşməni öyrədir. Böhran yalnız şəxsi səviyyədə deyil, biznes məntiqində də büdcələşmənin necə vacib olduğunu göstərir.
Böhranın bizə öyrətdiyi ixtisas (marketinq) bilikləri:
Marketinqdə daim öyrənmək şərtdir. Böhran dövründə hiss edilir ki, "yaxşı" vaxtlarda etdiyimiz tənbəlliklərin yaratdığı fəsadkar böyükdür. Marketinq daim yeniliyi və yeni bilikləri sevir. Bunu etməyən heç vaxt güclü marketoloq ola bilməz;
Marketinq pul xərcləmək sənəti deyil. Bəzən mən eşidirəm… Filan şirkətin sahibi brend nə olduğunu bilmir və s. Düz edir!!! Biznesə brend lazım deyil ki, biznesə pul qazanmaq lazımdır. Brend pul qazanmaq üçün alətdir. Çox yaxşı alətdir. Amma alətdir. Brend hədəfləri heç vaxt biznes hədəflərinin üstündə ola bilməz;
Marketinq qlamur olmaz. Böhran marketoloqların "başına qaynar su tökür" və başa salır ki, kabinetdə marketinq olmur. Marketinq marketdə, bazarda olur. Marketinq müştərinin yanında olur, marketinq müştəri xidmətlərinin yanında olur, marketinq fabrikdə olur, marketinq maliyyə direktorunun yanında maliyyəti çıxaranda olur. Bir sözlə, marketinq "qlamur" sənəti yox, marketinq fəhləlik sənətidir. Marketinq ingilis dili müəllimi olmaq deyil!
Əziz oxucu, məncə, yaxşı vərdişlər əldə etməyin ən yaxşı yolu pis vəziyyətə düşməkdən keçir. Məsələn, mən düşünürəm ki, kişi mütləq və mütləq əsgərlikdə olmalıdır. Məhz bu zaman əsl kişiyə xas olan xasiyyətlər (vərdişlər) formalaşır və s. Böhran biznes adamları üçün bir növ əsgərlik funksiyasındadır. Bitdikdən sonra daha güclü və müdrik olmaq şansı artır.
İlkin Manafov

Tarix: 1 Feb 2021 | Baxılıb: 441

Oxşar xəbərlər

Adobe Photoshop kursları

Adobe Photoshop kursları

Adobe Photoshop uzun müddət qrafik dizayn üçün vacib proqram olaraq qəbul edilmişdir. Illustrator, InDesign, Flash, Dreamweaver, Acrobat Pro, Lightroom və bir neçə digər vasitələrdən ibarət olan Adobe Creative Suite-in (v

Marketinq kursları

Marketinq kursları

Son illərdə ən çox tələb olunan kursların sırasında marketinq kursları da var. Yaşından və cinsindən asılı olmayaraq, müxtəlif insanlar bu sahəyə meyl edirlər. Marketinq kurslari qarşısına məqsəd qoyanlara, marketinq sahəsind

1C proqramı kursları

1C proqramı kursları

1C proqramı istənilən növ müəssisələrdə mühasibat uçotu işini avtomatlaşdırmaq arzusunda olan mühasiblər üçün nəzərdə tutulub. Son vaxtlar müəssisə və təşkilatların əksəriyyəti mühasibatlığın avtomatlaşdırılmasında məhz 1

Proqramlaşdırma kursları

Proqramlaşdırma kursları

Proqramlaşdırma kursları ilə istədiyiniz dilləri öyrənə bilər və bu sahənin dərinliklərinə yiyələnə bilərsiniz. Müəllimləriniz tərəfindən referans alaraq gələcəkdə daha yaxşı iş yerləri tapmaq asanlaşacaqdır. Uzun müddətl

Hicama kursları

Hicama kursları

Hacamat və ya hicama "qanalma" deməkdir. Hicama bir çox xəstəliklərdən qurtulmaq üçün ən effektiv üsullardan biridir. Bədəndə olan çirkli qan xüsusi vakuum vasitəsilə yenilənir. Hicama faydalari sayılmaqla bitmir

SMM kursu seçərkən nələrə diqqət edilməlidir?

SMM kursu seçərkən nələrə diqqət edilməlidir?

Müasir dövrümüzdə sosial media marketinqi (SMM) istənilən biznesin marketinq strategiyasının vacib hissəsinə çevrilib. Sosial media platformalarından istifadə edən milyardlarla insan böyük auditoriyaya çatmaq və potensia

İndividual Rus dili kurslarının üstünlükləri nələrdir?

İndividual Rus dili kurslarının üstünlükləri nələrdir?

İndividual Rus dili kurslarında tədris bir tələbə və şagird arasında keçirilir. Özəl dərs formasına bəzənsə də, daha effektiv və daha yaxşı nəticə verən individual tədris sisteminin Rus dili kurslarına qazandırdığı üstünlüklə

HR kursları

HR kursları

Müasir dövrün sürətlə inkişafı modern şirkətlərdə insan dəyərini və insan münasibətlərinin önəmini durmadan artırmadadır. Bu gün dünyanın ən böyük universitetləri şirkətlərə insan münasibətlərinin yaxşılaşdırılmasını tövsiy

Şahmat kursları

Şahmat kursları

Bu gün şahmat intellekt səviyyəsinin yüksəldiməsi üçün ən məşhur vasitə hesab olunur. Ümumiyyətlə, şahmatı 3 yaşından tədris etmək mümkündür. Sadəcə olaraq, bu, uşağın daxili imkanlarından asılıdır. Buna baxmayaraq, tədrisi


tezbazar.az biznes komputer kurslari hazirliq kurslari online kurslar milli reqs gitara komputer kurslari qiymetleri alman dili kurslari bakida mebeller fars dili kurslari xarici qiz adlari