Şəxsi inkişafın faydaları - Seçilən deyil, seçənlərdən olun!

Şəxsi inkişafın faydaları - Seçilən deyil, seçənlərdən olun!6-7 il əvvəl bu haqda düşünmək belə ağlıma gəlməzdi. Ətrafımda bunu düşünə biləcək insanlar da yox idi. Çevrəm tamamilə şəxsi inkişafdan uzaq, bu günlə və gələcəyin narahatlıqları ilə yaşayan insanlar toplusundan ibarət idi. Şəxsi inkişaf ifadəsini belə o zamanlar eşitdiyimi xatırlamıram. Həyat da, yaşam da bəsit idi. Həyat sadəcə və sadəcə ingilislərin məşhur sözü olan survive (sağ qalmaq) üstünə qurulu idi. Böyüklər yaşamaq və yaşatmaq üçün maddi problemləri həll etməyə çalışarkən, öz ömürlərindən fəda verirdi. Gənclər də böyüklərindən və ətraflarından gördükləri ilə yetinirdilər.
Bir insanı formalaşdıran ən böyük amil onun çevrəsidir, mühitidir. İnsan görmədiyi bir şeyi istəyə bilməz. Biz də görmürdük. İstəmirdik. Əlimizdə bəhanələrimiz də hazır idi.
Sonra tamam fərqli bir çevrənin, mühitin tam ortasına düşdüm. Fərqli insanların əhatəsində oldum. Başqa bir dünyanın mövcudluğuna günbəgün şahid oldum. Mən şahid olduqca ilk vaxtlarda təəccüblə qarışıq heyifsiləndim. Onlar kimi olmadığım və itirdiyim zaman üçün. Daha sonra sevindim. Çox da gec olmadan bu dünyanı gördüyüm üçün.
Şəxsi inkişafla tanışlığım Qafqaz Universitetinə qəbul olduğum 2012-ci və eyni zamanda "ASAN Xidmət"də könüllü fəaliyyətə başladığım 2014-cü illərə təsadüf edir. Bu məqamda Brian Tracy-nin "Daxili İntizam Gücü" kitabını və Fəxri Ağayevin "Time Management" seminarını qeyd etməyə bilmərəm. Çünki 180 dərəcə dəyişməyim və planlı yaşamağa başlamaq səbəbim onlar olmuşdu.
İnsan şəxsi inkişafına fokuslanarkən, daha mənalı və məhsuldar bir yaşama sahib olmaq üçün çalışarkən, buna nail olub-olmamasından çox bu yolda olduğu üçün sevinir və qürurlanır. Ən azından "cəhd edirəm" deyir. Düzgün yaşamın hansı olduğunu müəyyənləşdirib, o yaşam üçün mübarizə aparır. Təsəvvüründə bir dünya yaradıb, o dünyanı reallaşdırmağa səy göstərir. Ağlında özünün ən gözəl portretini qurub, həmin portretdəki insanı yaratmaq üçün hərəkətə keçir. Ətrafında canlı nümunələri görüb, özünün ən yaxşı nümunəsini formalaşdırır. Bütün bunları etməyə çalışarkən, nəticədən çox çıxdığı yol, yolboyu öhdəsindən gəldiyi problemlər, mübarizə apardığı faktorlar, kontrolda saxladığı hisslər, öyrəndiyi biliklər, qazandığı təcrübələr, formalaşdırdığı şəxsiyyət, bir sözlə, qət etdiyi yol daha böyük əhəmiyyət kəsb edir. Çox təəssüf ki, bir çoxumuz o yola çıxsaq da, ya yorulub yarıda qoyub hər şeyin asanını axtarırıq, ya da qət etdiyi yolu gözardı edib, nəticəni düşünərək özümüzə haqsızlıq edirik. Bu da həyata hansı tərəfdən baxdığımızla və necə dəyərləndirməyimizlə bağlıdır.
Bu qədər uzun girişdən sonra şəxsi inkişafın nəyə lazım olduğunu az-çox anlamış olarsan. "Şəxsi inkişaf nəyə lazımdır" sualına keçməzdən əvvəl onun nə olduğu haqqında bir neçə cümlə qeyd etmək istərdim.
Əminəm ki, hər birimizin bu haqda düşüncələri fərqlidir. Bir zamanlar şəxsi inkişafın hər şeyi bilmək olduğunu düşünən mən üçün hal-hazırda bu ifadə daha fərqli bir məna kəsb edir. Artıq hər şeyi bilməyin deyil də, bildiyini iddia etdiyin şeyi ən yaxşı şəkildə bilməyin zəruriliyini dərk edirəm. Hansı ki, bununla bağlı dahi şair Nizami Gəncəvinin misraları fikrimi ən dolğun şəkildə tamamlayır:
Bir elmi öyrənmək istədikdə sən
Çalış ki, hər şeyi kamil biləsən.
Kamil bir palançı olsa da insan,
Yaxşıdır yarımçıq papaqçılıqdan.

Bəs şəxsi inkişaf nəyə lazımdır? Daha mənalı və dolğun yaşamaq üçün. Boş vaxtlarımızı düzgün dəyərləndirmək üçün. Gələcəkdə fərqlənən savadlı kadrlardan biri olmaq üçün. Seçilən deyil də, seçənlərdən biri olmaq üçün. Uğurlu karyera qurub maliyyə azadlığına nail olmaq üçün. Şəxsi və mənəvi tətmin üçün. Şəxsi dəyərləndirməmizi yüksək tutmağımız üçün. Məhsuldar bir ömür sürüb paylaşa bilinəcək təcrübələr qazanmaq üçün. Başqalarına da kömək ola bilmək, kiminsə uzatdığı əli tuta bilmək üçün. Yaxşı ana-ata olub, xoşbəxt, savadlı, azad ruhlu uşaqlar yetişdirmək üçün. Arzuedilən mühit yaratmaq üçün.
Əgər bu səbəblərdən biri səndə varsa, sən də istəyirsənsə, özünə zaman ayır. Öz üzərində çalış. Çalış ki, xəyalların və istəklərin gerçək olsun. Çalış ki, həm özünə, həm ətrafına xeyrin olsun. Çalış ki, bəhsini apara biləcəyin mövzuların olsun. Çalış ki, inandırıcı tövsiyələrin olsun. Çalış ki, sadəcə məsləhət verən deyil də, verdiyi məsləhətlərə əməl edib, təcrübələrinə güvənilən biri olasan. Çalış ki, bu cəmiyyətə sənin də köməyin dəysin. Çünki sənlə mən birləşəndə, artıq BİZ oluruq. Və cəmiyyəti BİZLƏR yaradırıq.
Unutma, sən bu cəmiyyətin bir fərdi olaraq çox dəyərlisən! Bunu bilərək yaşa.
Şəhanə Dostəliyeva

Tarix: 30 Jan 2021 | Baxılıb: 578

Oxşar xəbərlər

Kosmetologiya kursları

Kosmetologiya kursları

Kosmetologiya bir elm sahəsi olub, gözəllik müalicəsinin tətbiqi ilə məşğuldur. Kosmetologiyanın bir çox sahəsi və bu sahələrin özlərinin də geniş fərqli gözəllik üsullari var. Ümumi olaraq, bunlara saç düzümü, dəriyə qulluq

Maliyyə kursları

Maliyyə kursları

Biznesin əsas məqsədi mənfəət əldə etməkdir. Bununla yanaşı, hər bir sahibkar, rəhbər şirkətinin stabil inkişaf etməsini və ciddi risklərdən sığortalanmasını istəyir. Şirkətdə maliyyənin düzgün idarə olunması, yüksək hesabatlılığı

Proqramlaşdırma kursları

Proqramlaşdırma kursları

Proqramlaşdırma kursları ilə istədiyiniz dilləri öyrənə bilər və bu sahənin dərinliklərinə yiyələnə bilərsiniz. Müəllimləriniz tərəfindən referans alaraq gələcəkdə daha yaxşı iş yerləri tapmaq asanlaşacaqdır. Uzun müddətl

Dizayner kursları

Dizayner kursları

İş dünyasında peşəkar qrafik dizayner və ya veb dizayner kimi tanınmaq, həmçinin reklam şirkətləri, çap mərkəzləri və fotostudiyalar üçün əvəzedilməz kadra çevrilmək istəyirsinizsə, vaxt itirmədən dizayner kurslarına yazılmalısınız

Biznes İdarəçiliyi kursları

Biznes İdarəçiliyi kursları

Uğurlu idarəçi olmaq üçün həm şəxsi keyfiyyətlərə, həm də xüsusi biliklərə, metodlara, sistemlərə ehtiyac var. Biznes idareciliyi şirkətlərdə çalışan müxtəlif ranqlı rəhbərlər və sahibkarlar, həmçinin satış rəhbərləri v

Proqramlaşdırma və proqramlaşdırma kurslarının vacibliyi

Proqramlaşdırma və proqramlaşdırma kurslarının vacibliyi

Müasir texnologiyaya əsaslanan dünyada proqramlaşdırma demək olar ki, hər bir sənaye üçün vacib bir bacarıq halına gəldi. Proqramlaşdırmanın bu qədər çox yayılması onu tədris edən kursların da artmasına səbəb olub. Hazırd

HR kursları

HR kursları

İnsan Resursları (HR) istənilən uğurlu təşkilatın vacib komponentidir. HR mütəxəssisləri işə qəbul və seçim, işçilərin təlimi və inkişafı, təzminat və müavinətlərin idarə edilməsi və işçilərlə münasibətlər də daxil olmaql

Excel kursu seçərkən fikir verməli olduqlarınız

Excel kursu seçərkən fikir verməli olduqlarınız

Excel həm fiziki şəxslər, həm də bizneslər tərəfindən məlumatları təşkil etmək və təhlil etmək üçün istifadə olunan kompüter proqramıdır. Faydalı vasitə olsa da, xırdalıqları olduğu üçün bir çox insan onun bütün xüsusiyyətlərin

Saç ustası və vizajist kursları

Saç ustası və vizajist kursları

Gözəllik yaratmağı hər kəs istəsə də, bunu yalnız yaxşı təhsil almış şəxslər bacarır. Bu sahəyə tələbatın böyüməsi ilə əlaqədar olaraq, bu peşəyə yiyələnmək istəyənlərin sayı, həmçinin saç ustası və makiyaj kursları təkli


tezbazar.az biznes komputer kurslari kurslar hazirliq kurslari sirniyyat kurslari en yaxsi kurslar xarici dil kurslari bakida gitara mebeller online kurslar