Sahibkar necə inkişaf etməlidir?

Sahibkar necə inkişaf etməlidir?Sıfırdan başlayıb neçə il ərzində uğurlu sahibkar olmaq mümkündür? Düşünürəm ki, biznes həm çox çətin, həm də çox sadə fəaliyyətlərin toplusudur. Hər bir biznesin isə özünəməxsus atılması gərəkən addımları və qaydaları var. Elə buna görə də "biznesdə neçə il ərzində uğurlu olmaq olar" sualını cavablandırmaq çox çətindir və bu sualın çox vacib faktorlardan asılı olan cavabı var. Bu faktorlar aşağıdakı kimidir.
İdeya nədən ibarətdir?
Biznes qurmaq istəyən şəxsin vizyonu nədir?
Daxil olduğu sektor nə qədər uyğun və münbitdir, bazar həcmi nədir?
Nə qədər əlaqələri var?
Rəqiblər çoxdurmu və müştəri potensialı nədir?
Şəxsin özünün şəxsi üstünlükləri və bacarıqları nə qədərdir və s.
Bu faktorların bir-biri ilə inteqrasiyası nəticəsində əslində "bir şəxs nə qədər müddətdə biznesdə uğurlu ola bilər" sualının cavabını tapa bilərik. Bir də ən önəmli faktorlardan biri də odur ki, təşəbbüskar həqiqətən də özü üçün doğru biznesdədirmi? Bəzən illərlə çaba göstərdiyi biznesdə uğurlu nəticələr əldə edə bilməyən şəxslər sektoru dəyişdikdə çox yaxşı nəticələr əldə edə bilirlər. Bu onun göstəricisidir ki, hər bir sahəyə kor-koranə girmək düzgün strateji addım deyil. Atılan addımların, görülən fəaliyyətlərin qarşılığında sizi qane edən bir büdcə əldə edə bilirsinizsə, deməli, siz bizneslə məşğulsunuz. Əks halda bu biznes deyil.
Biznes qurmaq üçün atılan addımlarda edilən səhvlər hansılardı? Nəyi etmək məsləhət deyil və ya əksinə, hansı xüsusiyyətlər vacibdir?
Bir müddət sonra anladığım ən önəmli fikirlərdən biri o oldu ki, ümumiyyətlə hər bir mövzuya görə bir çox insanlarla müzakirə aparmaq bizi uğura deyil, uğursuzluğa aparır. Bəlkə də bu fikirlə çoxu razı olmayacaq. Amma mən düşünürəm ki, bizim biznes tərəfimiz bizə hansı addımları atmağımızı söyləyirsə, analiz etməli və addım atmalıyıq. Biz nə edirik? Bir işdə qığılcım gördükdə bunu onlarla insanlarla bölüşürük. Bu isə özü özlüyündə bizim fikirlərimizi dağıdır və nəticədə bu işin arxası ilə getmirik.
Lakin mən məsləhət görərdim ki, istər xanım, istərsə də bəylər yeni biznes qurmaq üçün addımlar atmaq istəyirlərsə, mütləq formada bizneslə bağlı çoxlu kitab oxumalı və ümumilikdə biznesin əslində açarlı qapılarını açmalıdırlar. Açarlı qapıların açılması o deməkdir ki, biz bəzən illərlə çalışırıq və çox kiçik büdcələr əldə edirik. Lakin eyni sektorda başqa bir məhsulun üzərində çalışmağa başlayırıq və görürük ki, bu məhsula itirdiyimiz əziyyətlər əvvəlkindən 2-3 dəfə az, qazancı isə 2-3 dəfə çoxdur. Biznesdə hər zaman daha yaxşının arxası ilə getmək lazımdır.
Biznesdə əsas xüsusiyyətlər aşağıdakılardır:
1. Əzmli və səbirli olmaq,
2. Liderlik xarakterinə malik olmaq,
3. Natiqlik, inandırmaq və satış qabiliyyətinin yüksək olması,
4. Analiz etmə qabiliyyətinin yüksək olması,
5. Risk etmə bacarığının olması,
6. Davamlı olaraq əlaqələrini gücləndirməkdə maraqlı olan və təşəbbüskar xarakter.
7. Problemi qısa zamanda həll etmə bacarığı,
Bu xüsusiyyətləri özündə formalaşdıran şəxslər rahatlıqla biznesə başlaya bilərlər, çünki itirmək şansları çox az olacaqdır.
Hobbini pula çevirmək daha çox hansı amillərdən asılıdır?
Həqiqətən də keçmişə nəzərən indi elə bir zamandır ki, satışı və marketinqi yaxşı bilən mütləq öz məhsulunu və xidmətini satmağı bacaracaq. Ümumilikdə mən hər zaman düşünürəm ki, uğurlu bizneslər o bizneslərdir ki, bütün satış kanallarını aşkarlayıb, analiz edib və o, satış kanallarını yaxşı tanıyır. Yəni müştərisini və müştəriyə çıxacaq yolları bilməlidir. Hobbidən də pul qazanmağın yolları budur. Kimə faydalıdır bizim gördüyümüz iş və bu şəxslərə necə satış edə bilərik? Bunu öyrənməliyik. Rəqəmsal marketinqi yaxşı öyrənməliyik. Bizim satışımızı sürətləndirəcək qurumları və təşkilatları tapmalı. onlardan dəstəklər almalıyıq. Sonra isə məhsulumuzun satış sayını artıra biləcəyimiz barədə düşünməli və komandamızı, biznesimizi qurmalıyıq.
Cavid Abasov

Tarix: 13 fevral 2021

Kurs xəbərləri

Əyləncəli məşğuliyyətlər - övladlarınız da maraq göstərəcək

Yağışlı, küləkli və soyuq havalarda evdən çıxmayan uşaqlara qapalı mühitdə qalmaq pis təsir edir. Onları bir az rahatlatmaq və xoşbəxt etməyin yolu isə həm bədənlərini, həm beyinlərini məşğul edən fəaliyyətlər tapmaqdır

Ən çox qazancı olan ixtisaslar - seçim sizindir!

Xaricdə və Azrbaycanda böyük iş imkanları və qazancı olan sahələrə bir-bir nəzər yetirək. 1. İcraçı direktorlar və ya sadəcə şirkət rəhbərləri. Bu sahəyə sahib olanlar dünyanın ən çox qazanan insanlarıdır. Təxminən düny

Kiçik bizneslərin idarə edilməsi: bunlar olmaz!

İqtisadi inkişafın hər səviyyəsində kiçik biznesin idarə olunması o qədər də asan məsələ deyil. Bununla yanaşı, kiçik bizneslərdə uğur şansını artırmaq üçün əsasən aşağıdakı üç səhvdən qaçmağa çalışmaq lazımdır:. 1. Xərclə

Daxili söhbət, doğru əhatə uğur qazandırır

İnsanlar həyatda daim uğur axtarışındadır. Uğuru əldə etməyin yolları isə müxtəlif olduğu qədər əlçatmazdır. Lakin müəyyən xarakterli insanlar var ki, öz vərdişləri ilə uğur əldə etməyə nail ola bilirlər. Həmin vərdişlər

Yeni biznes qurarkən edilən səhvlər

Araşdırmalar göstərir ki, yeni bizneslərin 20%-i qurulmaqlarından 2 il keçmədən uğursuzluğa düçar olur. Ümumilikdə isə bizneslərin təqribən yarısının ömrü 5 ildən daha qısa olur. Bəs uzunömürlü və uğurlu biznesin sirlər

Məqsəd sizi uğura aparacaq!

İstənilən bir işdə hədəfi düzgün vura bilmiriksə, seçim etmək qarşısında çətinik yaşayırıqsa, bunun əsas səbəbi elə biz özümüzük, yoxsa qarşımıza qoyduğumuz yanlış məqsədlər? . Karyerizmin bioloji və sosial aspektləri - Məqsəd

İnternet marketinq: uğur qazanmaq üçün bunları edin!

Əgər siz internet məlumat alıcısınızsa və ya olmağa çalışırsınızsa, burada sizin onlayn gəlirlərinizi maksimum həddə çatdıra bilməyiniz üçün bəzi qaydalar var:. 1. Geniş və müxtəlif mövzularda informasiya məhsulları istehsa

Walmartın marketinq strategiyası

Walmart daha çox satış həyata keçirmək üçün bir sıra strategiyalardan istifadə edir. Məsələn, müştərilərin rəqib marketlərə getməyinin qarşısını alacaq qədər çox məhsul satmaq. Adi bir WalMartda ən azı 150 min məhsul var

Marketinq - beyinlərdə qurulan "həqiqətlər"in savaşı

"Yaponlar düzəldibsə, keyfiyyətlidir", "Oskar" qazanıbsa, yaxşı kino olmalıdır", "Çin malıdırsa, keyfiyyətsizdir" kimi ifadələri, yəqin ki, tez-tez eşidirsiniz. Qəribədir ki, Yaponiya istehsal