Çin dili ingilis dilini üstələyəcək!
Çin dünya ölkələri arasında texnologiya sahəsinə liderlik edir. Biznes sahəsində illik gəlirlərinə görə ən uğurlu şirkətlər yenə Çinin transmilli şirkətləridir. Artıq Çin dili dünya ölkələri arasında ən çox istifadə edilən dillərdən birinə çevrilərək ingilis dilini üstələyir. Çin şirkətlərinin populyarlığı artdıqca iş adamlarının da bu dili öyrənməyə marağı artır. Kral ailəsinin üzvləri, "Amazon" şirkətinin qurucusu Ceff Bezosun yaxınları, həyat yoldaşı çinli olan "Facebook" sahibi Mark Zukerberq, ABŞ-ın sabiq prezidenti Donald Trampın qızı İvanka, Britaniya şəhzadələri və digər nüfuzlu şəxslər müxtəlif vaxtlarda Çin dili dərsləri alıblar və bəziləri hazırda da almaqda davam edir.
Çin dili də İngilis dili kimi (Amerikan ingiliscəsi) Mandarin və Kanton dili olmaq üzrə iki hissəyə ayrılır. Bu gün dünyada 1.2 milyard insan Çin dilində danışır. Onların 1 milyardı Mandarin ləhcəsindən istifadə edir.
Ancaq hər işdə olduğu kimi, bu dili öyrənməyə başlarkən də özünüzə sual verməlisiniz: mən bunu nə üçün edirəm? Xarici dil öyrənmək həyəcanverici və ya dözülməz işgəncə ola bilər. Çin dilinə ehtiyacınızın olduğuna qərar verin və müəyyən hədəflər qoyun. Sonda nə əldə etmək istədiyinizi dəqiq başa düşün, sonra bu dili öyrənməyin yollarını axtarın.
Dmitri Petrov ilə poliqlot proqramı
Bildiyiniz kimi, Kultura kanalı uzun müddətdir Polyglot proqramını çəkir və yayımlayır. Layihənin mahiyyəti ondan ibarətdir ki, bu və ya digər xarici dil haqqında sıfır məlumatı olan insanlar "masaya oturub" 16 dərs ərzində dil haqqında təməl biliklər əldə edirlər.
Polyglot ilə Çin dilini onlayn öyrənməyin müsbət və mənfi cəhətləri:
Dərslər materialı mənimsəməyə kömək edən mövzuya görə bölünür.
Dərslərin bir hissəsini Çindən gələn qonaq öyrədir. Düzgün tələffüzdən əmin olmaq mümkündür.
Təhsil pulsuzdur.
Hiyeroqliflər praktik olaraq öyrənilmir. Yalnız bir dərs var.
Dərslərin çoxunu Petrov özü öyrədir. Təbii ki, bu dil onun ana dili olmadığından, mükəmməl tələffüzə sahib deyil.
Əlbətdə ki, 16 dərsdən sonra Çin dilində səlis danışmağı öyrənməyəcəksiniz, bu dili müəyyən səviyyədə başa düşəcəksiniz. Buna baxmayaraq, kursun yarısını tamamladıqdan sonra uyğun bir yanaşma ilə özünüz haqqında qısa mətnlər yaza biləcəksiniz, özünüzü təqdim edə biləcəksiniz.
Petrov Çin dilini sıfırdan öyrənməyin bir çox nüanslarından bəhs edir, bənzətmələr dilə gətirir. Əsas odur ki, materialı rusların, həmçinin bizim başa düşməyimizi asanlaşdıracaq şəkildə təqdim edir.
